第三十八回 还带挡做成圈套

生来勿关倪事，只要耐拿格三千洋钱带挡还拨仔倪，格末随便那哼随耐格便，勿然末倪也有两句闲话勒说说。”陆兰芬听得阿金竟是顶撞起来，那说话的神十分可恶，只气得蛾眉倒竖，面生红，把一双小脚在地下一跺道：“耐一塌刮仔三千洋钱带挡，啥格希奇勿煞，还仔耐格洋钱末，才完结哉啘，阿挨得着耐来瞎噪，嘤嘤喤喤，啥格样式！直无拨仔淘成哉。”阿金冷冷的把手一摊道：“还仔倪格洋钱末顶好哉啘，倪有仔三千洋钱，阿怕无拨仔生意？勿要耐故歇末说得蛮好，停歇歇要起洋钱来原是无拨，格是定规勿成功格嗫。”

兰芬怒极，转向方子衡说道：“耐听听俚格闲话，阿要气煞仔，二三千洋钱才拿勿出仔末，直拨耐钝光格哉。”阿金呵呵冷笑道：“耐实概格红倌，阿怕拿勿出仔洋钱，就不过还有倪经手格店帐好像勿少，耐倒记记明白，一淘代仔倪，等倪去还拨仔俚笃完结，明朝等耐舒齐好仔倪来拿。”说罢，竟自走了出去，也不回，自去回覆那客去了。只把个陆兰芬气得呆了多时，一言不发。

方子衡婉婉转转的劝了兰芬一回，兰芬长叹说：“总归倪要仔俚笃格带挡勿好，耐看俚格样式，标得来，阿像啥格娘姨，赛过比仔本家再要利害，故歇倪也说得勿哉，想点法子还仔俚格洋钱，看俚阿再有啥格说话？”说到此处，便登时愁锁双眉，着实的踌躇起来。方子衡问他为什么这般着急？兰芬道：“阿金格带挡洋钱，倪答应末答应仔俚哉，故歇想起来，一时三刻，陆里拿得出几化洋钱？格件事体倒直尴尬哉嗫。”方子衡笑道：“这些小事极是容易，何必要这般的着起急来，明天我就去打张票子来替你还了他的带挡可好？”兰芬摇道：“耐勿要实概急，等倪到别处借借看，倘忙无借处，再搭耐说。”方子衡诧异道：“前我早已和你说明，替你代还债项，为什么忽然的不要起来？”兰芬道：“勿是呀，耐勿要缠错哩，耐搭倪还债末倪阿有啥勿要？耐搭格洋钱放来，总归一样格呀，等倪下节勿做好生意，再拨倪好哉。”方子衡听他说得有理，点称是。

隔了一天，兰芬说是出去借钱，去了半晌，方才愁眉不展的回来。方子衡急问他可曾借到？兰芬拍手道：“无借处嗫，啥肯借拨倪呀！倪问格客要借五千洋钱，俚勿借倒也罢哉，陆里晓得俚说出来格闲话，格末来得讨气，俚倒说耐借得忒多哉啘，一借就是五千，叫倪陆里来得及”勿比三百五百洋钱，倪还好应酬应酬。

倪拨俚气婚哉，对俚说倪穷末穷，几百洋钱倒也勿在乎此，倪要老